呢排見後園塊草地出咗好大範圍嘅小野花,
用 Weeder 都除唔到!
抵唔住頸!
拎咗部剪草機出嚟鏟晒佢,
一路剪都無問題 o架!
剪到去我塊田度就出事喇!
因為阿 Sir 臨返香港前用繩網圍住成塊田,
以防 D 衰貓走嚟喺塊田疴 C !
雖然我已經起咗 D 網釘,
捲起咗塊網!
點知當架剪草機剪到去田邊 D 草時........
電光石火間就成個繩網捲咗入部機度!
架剪草機即時停咗........嚇到我都唔知點好!
定一定神;
即刻斷電先!
拔走個電制!
反轉部機.....見嗰繩網捲晒喺嗰刀葉度!
老鼠拉龜,
冇町埋手!
真係冇晒符,
又唔可以唔理!
又驚部機會壞?!
唯有頂硬上~~~~~~~~~
試吓拆番個網出嚟........
整咗一陣.........
好彩都拆到~~~~~~~~~
更好彩........部剪草機冇事喎!
拔............
個繩網就............
第一時間同阿 Sir 報告!
佢只係講咗~~~
最緊要係我無事喎!
完全無鬧我!
佢就有呢樣好.....
出咩事都好,
最緊要係人無事就得喇!
爛咗嘅嘢可以買過新嘅!
所以我同佢相處咁多年;
都從佢身上學到...........
先關心人身安全;
再處理事故!
順便同大家睇吓我種嘅嘢..........
魚翅瓜喺花盤度長得唔錯!
米袋嘅魚翅瓜仲豐盛!
種喺田嗰 D 就唔知點解好瘦弱!
仲俾蟲蛀咗 D 葉添!
唉!
- Double Iron Legs,
- 剪草機,
- 另類生活,
- 生活記敍,
- 魚翅瓜
最緊要係人無事就得喇!
......咁先係人話
d魚翅瓜幾時有得食??
辣椒攪爛浸多D水用黎淋棵嘢啦!