阿 Sir 每次返嚟都會同佢 D 外甥聚頭食飯,
上星期二 Lily 表姐兩公婆就揀咗嚟我哋屋企開餐 !
咁就六餸一湯;
白飯任裝喇 !
預早一日炆咗牛尾先,
喺冰櫃摷到一包大冬菰,
知道佢兩個都極愛食冬菰,
再搵到豬面青,
啱晒加埋 D 鮑汁嚟炆 !
情商阿 Sir 出手整焗燒肉,
果真係青出於藍喎 !
冰櫃仲有一包冰豆腐,
加咗 D 漁香醬嚟素煮都好受歡迎喎 !
用咗 D 韓國 Miso 醬嚟醃條鱸魚,
然後放入焗 10 分鐘就有得食 !
將炆牛尾剩落嘅西芹加 D 肉丁嚟炒腰果,
咁就唔使 o徙嘢夠晒環保喇 !
雪耳蘋果無花果南北杏湯就唔少得嘞 !
開開心心喺屋企食就好過出街食 D 老外中餐喇 !